Mae gan ein gwaith 3 prif amcan:
• Amcan 1: Cydweithio a chydlynu camau gweithredu
Canlyniad: Camau gweithredu wedi’u trefnu a’u hyrwyddo yn dda i gefnogi’r gwaith o atal colli bioamrywiaeth yn lleol ac yn rhanbarthol
• Amcan 2: Codi ymwybyddiaeth a hyrwyddo bioamrywiaeth
Canlyniad: Mwy o ymwybyddiaeth; bydd Bionet yn rhannu, cynghori a hysbysu yn weithredol. Creu cymuned sy’n ymgysylltu â chamau gweithredu cadwraeth lleol ac sydd â mynediad hawdd i arbenigedd ac adnoddau ar gyfer natur.
• Amcan 3: Nodi blaenoriaethau’r Bartneriaeth Natur Leol, galluogi a darparu camau gweithredu ar y blaenoriaethau hyn
Canlyniad: Llwyddo i drosi targedau cenedlaethol yn gamau gweithredu lleol, arddangos llwybrau clir rhwng camau gweithredu lleol a thargedau cenedlaethol.
Ar hyn o bryd mae Bionet yn cael ei gydlynu gan Swyddogion Bioamrywiaeth neu Gydlynwyr y Bartneriaeth Natur Leol sy’n eistedd o fewn Awdurdodau Lleol.
Sefydlwyd Bionet yn 2010 trwy gyfuno partneriaethau unigol ar draws Siroedd Gogledd Ddwyrain Cymru.
Mae’r bartneriaeth yn cyfarfod bob 6 mis ac yn darparu fforwm ar gyfer rhannu gwybodaeth, datblygu prosiectau, cwmpasu cyfleoedd ariannu a rhwydweithio.
Cymraeg