Enillwyr Gwobrau Bionet 2024

O ran ein Gwobr Grŵp Cymunedol, cawsom geisiadau ardderchog eleni. Cafodd Gwobr Grŵp Cymunedol ei gyflwyno Arddwyr Cymunedol Holt!

Mae gardd gymuned Holt yn darparu sawl ffynhonnell o fwyd i anifeiliaid di-asgwrn-cefn drwy blannu o eirlysiau a chrocws yn ystyrlon ar gyfer pryfed peillio cynnar, yn ogystal â stoc ag arogl i ddenu pryfed sy’n hedfan yn y nos. Maent wedi datblygu dau ddôl blodau gwyllt lle na chaniateir torri gwair, wrth ochr yr afon o amgylch y maes parcio gerllaw – gan gynyddu blodau gwyllt brodorol a phoblogaeth anifeiliaid di-asgwrn cefn sy’n dibynnu arnynt, yn cynnwys gwas y neidr clwbgwt sydd dan fygythiad sydd yn bresennol yn yr ardal yma. Yn ogystal â gosod sawl blwch adar, blwch ystlumod, tai i ddraenogod, a gwrychoedd i ddarparu cartrefi i fywyd gwyllt ar draws eu pentref.

Llongyfarchiadau i bawb sydd wedi cymryd rhan, ni allwn aros i gael clywed am yr holl waith sydd wedi ei drefnu ar gyfer y dyfodol.

Crëwyd ein gwobr fusnes er mwyn cydnabod y gwaith a wneir yn ein sefydliadau preifat ledled gogledd-ddwyrain Cymru. Mae’n bleser gennym gyflwyno Gwobr Busnes i Enfinium – Parc Adfer.

Mae Enfinium yn rhedeg ffatri prosesu gwastraff ym Mharc Adfer ar Ystâd Ddiwydiannol Glannau Dyfrdwy.

Mae yna tua 6.5 hectar o ardal wyrdd yn amgylchynu’r ffatri, a oedd yn wair oedd yn cael ei dorri nes penderfynodd Enfinium i ymuno â phartneriaeth gydag Ymddiriedolaeth Natur Gogledd Cymru ac Enfys Ecology yn 2023 i reoli’r ardal ar gyfer bioamrywiaeth. Bellach mae 2.5 hectar o laswelltir yn cael ei reoli ar gyfer bioamrywiaeth – mae 2 erw ohono wedi cael ei wella drwy gyflwyno hadau lleol a blodau gwyllt fel planhigion llenwi o warchodfeydd Safleoedd o Ddiddordeb Gwyddonol Arbennig ac Ymddiriedolaeth Natur Gogledd Cymru gerllaw. Mae 1.5 erw o lystyfiant yn cael ei adael heb ei dorri’n flynyddol i ddarparu cynefinoedd dros y gaeaf ar gyfer ystod eang o rywogaethau. Mae 0.25 hectar o byllau/gwlypdiroedd yn cael eu rheoli ar gyfer amrywiaeth strwythurol ac i greu safleoedd torheulo i anifeiliaid di-asgwrn-cefn ac ymlusgiaid. Yn ogystal â chreu 800m2 o gynefin mosaig agored yn cynnwys gaeafleoedd niferus, pyllau bas tymhorol a llystyfiant amrywiol.

Mae’r holl waith yma wedi arwain at gynnydd mewn bioamrywiaeth o 25% yn 2024 pan gafodd ei asesu gan Ymgynghorwr Ecolegol allanol. Am effaith!

Crëwyd Gwobr Gwirfoddolwr i amlygu gwaith ac ymroddiad un unigolyn i adferiad a chadwraeth natur. Rydym yn falch iawn o gyflwyno’r wobr Gwirfoddolwr Bionet i Alex Ruck.

Mae Alex wedi bod yn wirfoddolwr ymroddedig gyda Wild Grount yng Ngwarchodfa Natur Dyffryn Rhydymwyn am 3 blynedd. Yn y cyfnod yma, mae wedi bod yn rhan o ystod o weithgareddau i roi hwb i fioamrywiaeth megis:

• Arolygon Gloÿnnod Byw Rheolaidd
• Rheoli prysgwydd a chreu tomenni o gynefinoedd i roi hwb i ymlusgiaid
• Rheoli a chlirio llystyfiant pwll megis brwyn a phlanhigion o bylloedd ar gyfer madfallod dŵr cribog
• Gwasgu rhedyn mewn ardaloedd sy’n llawn rhedyn er mwyn hybu rhywogaethau glaswelltir yn y warchodfa natur

Mae’r ymroddiad arbennig yn cael ei nodi ac rydym eisiau diolch i Alex a’i longyfarch am roi o’i amser i helpu ein bywyd gwyllt gwych.